Ƙasashen yankin Gulf sun nemi a rufe Al Jazeera

Ƙasashen yankin Gulf da suka katse hulɗa da Qatar a farkon wannan wata sun miƙa mata buƙata 13 da suke son ta cika.

Saudiyya da Bahrain da Haɗaɗɗiyar Daular Larabawa da Masar sun nemi mahukuntan Qatar su rufe gidan talbijin na Al Jazeera.

Sun kuma ce ta rage hulɗa da ƙasar Iraqi sannan ta rufe wani sansanin sojan sama na Turkiyya duk a cikin kwana goma.

Kuwait wadda ke ƙoƙarin shiga tsakanin a rikicin ita ce ta damƙa wa Qatar jerin waɗannan buƙatu.

Haka zalika, ƙasashen na yankin Gulf sun nemi Qatar ta kwance duk wata alaƙa da ƙungiyar ‘Yan’uwa Musulmi.

Ƙasashen dai sun zargi Qatar da samar da kuɗi ga harkokin ta’addanci, zargin da ƙasar ta musanta.

A farkon wannan mako ne ma’aikatar harkokin wajen Amurka ta ce mamaki ya dabaibaye ta kan yadda ƙasashen ba su fitar da ƙarin bayani kan ƙorafe-ƙorafensu ba.

Asalin Labari:

BBC Hausa

240total visits,6visits today


Karanta:  Wani mutum ya kashe matarsa saboda ta yi masa dariya

Leave a Reply

Your email address will not be published.