An Damke Masu Safarar Mutane a Yammacin Afirka

Hukumar ‘yansandan kasa-da-kasa (INTERPOL) ta ce an damke masu safarar mutane guda 40 tare da ceto mutane 500 a wani samame a yammacin nahiyar Afirka.

Hukumar ‘yansandan kasa-da-kasa (INTERPOL) ta ce an damke masu safarar mutane guda 40 tare da ceto mutane 500 a wani samame a yammacin nahiyar Afirka.

Hukumar ta kai wannan samame ne a lokacin da kasashen duniya ke kokawa game da cinikin bayi da aka bankado a kasar Libya.

A cikin wata sanarwa da ta fitar, INTERPOL ta ce akwai kananan yara guda 236 daga cikin mutane dari biyar da aka ceto.

Hukumar ta kara da cewa samamen ya gudana ne a kasashen Chadi, da Mali, da Mauritania, da Niger, da kuma Senegal.

Za a gabatar da mutanen da aka damke din a gaban kotu bisa zargin su da laifuka da suka hada da safarar mutane, da tursasa yin bauta, da kuma bautar da kananan yara, in ji INTERPOL.

Asalin Labari:

RFI Hausa

1867total visits,2visits today


Karanta:  'Yan Bindiga Sun Kashe Mutane 15 a Kan Iyakar Najeriya

Leave a Reply

Your email address will not be published.

This site uses Akismet to reduce spam. Learn how your comment data is processed.