Indiya: Walmart ya sayi Flipkart akan $16bn

A wani mataki na kasuwanci da zuba jari da zai kasance mafi girma a kasar Indiya, kamfanin Walmart ya sanar da cewa zai sayi wani bangare da zai mallaka masa kamfanin Flipkart na Indiya.

Flipkart

Wannan cinikin zai ba Walmart damar ja da kamfanin Amazon a daya daga cikin kasuwanni mafi girma da saurin bunkasa a duniya.

Bayan fiye da shekara guda ana tattaunawa, kamfanin Walmart na dab da sayen kashi 77 cikin dari na hannayen jarin kamfanin Flipkart a kan dala biliyan 16.

An dai kafa kamfanin na Flipkart a 2007, a lokacin ya fara da sayar da littatafai ta intanet ne.

Amma tuni ya bunkasa inda ya shiga cikin kasuwancin kayan sawa da kayan lantarki da kayan kwalliya da na shafe-shafe.

Wadanda suka kafa kamfanin sun kasance wasu abin kwatance a fagen kasuwanci ta intanet a Indiya.

Wannan cinikin zai kara bunkasa kudaden shiga ga kamfanin, kuma zai taimaka masa fadada ayyukansa zuwa wasu sassa na kasuwanci kamar na kayayyakin masarufi.

Ga kamfanin Walmart kuwa, wannan wata dama ce ta shiga kasar Indiya.

Dokokin Indiya sun takaita kokarin kamfanin na shiga kasar ya gina maka-makan shaguna kawo yanzu.

Wannan cinikin kuma na nufin cewa kamfanin na Walmart zai rika karawa da na Amazon a Indiya kenan.

Amazon ya fara shiga Indiya a 2012, kuma yana kan gaba wajen kasuwanci salon na intanet a kasar.

Asalin Labari:

BBC Hausa

7612total visits,5visits today


Karanta:  Kamfanin sufuri na Uber ya mayar wa fasinjoji kudade

Leave a Reply

Your email address will not be published.

This site uses Akismet to reduce spam. Learn how your comment data is processed.