‘Majalisar Dinkin Duniya Ta Gaza Hukunta Dakarunta Kan Laifukan Fyade’

Wasu daga cikin dakarun wanzar da zaman lafiya na Majalisar Dinkin Duniya, yayinda suke sintiri a birnin Bangui, babban birnin kasar Jamhuriyar Afrika ta Tsakiya.

An sake bankado sabbin zarge-zarge na yadda Majalisar dinkin duniya ta gaza daukar matakan da suka dace, kan dakarun wanzar da zaman lafiyar da ta tura zuwa jamhuriyar Afrika ta tsakiya, bayan ta tabbata cewa sun yi wa mata fyade, ciki harda yara kanana.

Wata kungiyar fafutuka da ke Birtaniya ta sanar da samun rahotanni har kashi 14, da suka yi cikakken bayani dangane da kararrakin dakarun wanzar da zaman lafiyar, da aka fi sani da MINUSCA, da aka gabatar, ba kuma tare da majalisar ta hukunta su ba.

Dakarun da ake zargi da aikata laifukan fyaden sun fito ne daga kasashen Burundi, Kamaru, Masar, Gabon, Morocco, Nijar, Pakistan, Jamhuriyar Kongo da kuma Zambia

A shekarar 2014, MDD ta aike da dakaru 10,000 zuwa jamhuriyar Afrika ta tsakiya domin maido da zaman lafiya, bayan barkewar rikicin addini da yayi sanadin mutuwar dubban mutane, da raba miliyoyi da gidajensu.

Asalin Labari:

RFI Hausa

794total visits,1visits today


Karanta:  Sunan Muhammad Ya Samu Matsayi A Birtaniya

Leave a Reply

Your email address will not be published.