Messi zai biya tara maimakon zaman gidan yari

Akwai yiwuwar shahararren dan wasan Barcelona Lionel Messi zai kaucewa daurin wata 21 a gidan yari inda ya zabi ya biya tara, kamar yadda rahotanni daga kasar Spain suka bayyana.

Wata kotu ce a Spain ta samu dan wasan da laifin zambar haraji.

Babban mai gabatar da karar kasar zai musanyawa Messi zaman gidan yari zuwa biyan tarar euro 255,000 wato zai biya euro 400 a kowace rana idan da zaman gidan kason zai yi.

Kotunan Spain ne suke da ikon yanke hukuncin karshe game da batun.

An samu Messi da mahaifinsa Jorge da laifin zambar haraji a Spain fiye da euro miliyan hudu tsakanin shekarar 2007 zuwa 2009.

An ci dan wasan tarar euro miliyan biyu, mahaifinsu kuma euro miliyan daya da rabi.

A watan jiya ne kotun koli ta yi watsi da daukaka karar da Messi ya yi.

Asalin Labari:

BBC Hausa


Karanta:  Real Madrid za ta karbi bakuncin Barcelona

Leave a Reply

Your email address will not be published.