Real Madrid ta dauki Theo Hernandez

Theo Hernandez mai shekara 19 mai tsaron baya ya amince ya buga wa Real Madrid wasa zuwa shekara shida

Real Madrid ta sanar da daukar dan kwallon Atletico Madrid, Theo Hernandez kan yarjejeniyar shekara shida.

Madrid wadda ta sanar da daukar dan kwallon mai tsaron baya mai shekara 19 a shafinta na intanet a ranar Laraba, ba ta fayyace kudin da ta dauki dan wasan ba.

Sai dai kuma kungiyar ta ce za ta gabatar da shi a gaban magoya bayanta a Santiago Bernabeu a ranar Litinin sannan ya gana da ‘yan jarida.

Real Madrid ce ta lashe kofin La Liga na Spaniya da aka yi a 2016/17, yayin da Atletico Madrid ta yi ta uku a gasar.

Asalin Labari:

BBC Hausa

306total visits,2visits today


Karanta:  Carrick ya zama kyaftin din Man United

Leave a Reply

Your email address will not be published.