Sama da Ma’aikata Milyan 2 na Mutuwa Duk Shekara Sanadiyyar Aiki-ILO

Galibin ma'aikatan dai a cewar hukumar ta ILO na mutuwa ne sanadiyyar cutuka, lamarin da ke nuna cewa ma'aikatu ba su fiya mai da hankali wajen kulawa da lafiyar ma'aikatansu.

Hukumar kwadago ta duniya ILO, ta ce akalla ma’aikata miliyan Biyu, da dubu dari hudu ne ke mutuwa a duniya duk shekara, sakamakon kamuwa da cutuka daban daban, a dalilin ayyukansu.Daraktan hukumar ta ILO Guy Ryder, ya bayyana haka ne a taron kwadago da ke gudana a Singapore karo na 21, kan inganta hanyoyin kare lafiyar ma’aikata yayin gudanar da ayyukansu.

Ryder ya ce hukumar kwadagon ta ILO, ta tattara alkaluman ma’aikatan da ke rasa rayukansu ne bayanda suka gudanar da bincike tare da hadin gwiwar, gwamnatocin Finland, Singapore, kungiyar tarayyar turai, da kuma hukumar kasa da kasa da ke kare hakkin lafiyar ma’aikata.

A cewar Ryder mutuwar ma’aiakata miliyan 2 da dubu dari hudu a fadin duniya dalilin cutukan da ke da alaka da wuraren ayyukansu, ya nuna yadda ma’aikatu da hukumomi da dama basa mayar da hankali kan yiwa tsare-tsaren kare lafiyar ma’aikatansugarambawul, wanda kuma tilas a magance wannan matsala.

Taken taron hukumar kwadagon ta duniya na wannan shekara dai shi ne Matasa da kuma tasirin inganta tsarin tafiyar da ayyukansu da kuma kare lafiyarsu.

Hukumar kwadagon ta duniya ILO ta yi hasashen cewa cikin shekarar da muke ciki kadai, akalla matasa miliyan Arba’in ne zasu fantsama neman aiki a ma’aikatu da hukumomi a sassan duniya.

Asalin Labari:

RFI Hausa

349total visits,1visits today


Karanta:  Venezuela ta daura damarar kare iyakokinta

Leave a Reply

Your email address will not be published.