Sanata Wamakko ya tsallake rijiya da baya bayan ruftawar gidansa

Tsohon gwamnan jihar Sakkwato a Najeriya Aliyu Magatakarda Wamakko, ya tsallake rijiya da baya ranar Lahadi da daddare, bayan wani sashe na gidansa ya rufta.

Mai magana da yawun Sanata Wamakko, wanda a yanzu dan majalisar dattawan kasar ne, ya tabbatar wa BBC afkuwar lamarin, amma ya ce babu wanda ya rasa ransa ko ya samu rauni.

Alhaji Bashir Mani ya ce lamarin ya faru ne jim kadan da ficewar Sanata Wamakko daga gidan wanda ke a unguwar masu-hannu-da-shuni ta Gawon-nama; bayan kammala wata ganawa da ‘yan siyasa da ya yi a gidan.

Sai dai wata majiya daga iyalan Sanata Wamakkon ta ce yana cikin gidan lokacin da abun ya faru, sai dai ba a sashen da yake ba ne ruftawar ginin ta afku.

“Hakan ne ya sa ba a fi minti goma ba sai ga Gwamna Aminu Tambuwal ya iso gidan da sauri saboda yadda labari ya bazu cewa ginin ya rufta da shi a ciki,” in ji wani makusancin tsohon gwamnan na jihar Sakkwato.

Alhaji Bashir Mani ya ce babu kowa a sashen ginin da ya rufta din lokacin da lamarin ya faru domin ana gyaran sashen ne.

Asalin Labari:

BBC Hausa

975total visits,1visits today


Karanta:  'Ma'aikata da dama bulus suke ci saboda rashin iya aiki'

Leave a Reply

Your email address will not be published.

This site uses Akismet to reduce spam. Learn how your comment data is processed.