Usain Bolt ya sha kaye a hannun Justin Gatlin a gasar 100m a London

Justin Gatlin ya burge duniya inda ya yi wa zakaran tseren duniya Usain Bolt fintinkau a gasar 100m, kuma ya lashe lambar zinare.

An bar Bolt da tagulla a ranar da ya yi tserensa na karshe kafin yayi ritaya, inda Ba’amurke Christian Coleman mai shekara 21 yayi na biyu.

Duk da an lura cewa Usain Bolt yana samun ‘yan matsaloli yayi da aka yi wasannin da suka gabata, amma yawancin mutane sun riga sun ba shi nasara a tseren da zai iya basa gwal na 20 da yayi nasara.

Ga yadda gasar ta kasance:

Kasar Amurka ce ta lashe zinare da azurfa, inda Jamaica ta yi na uku da na hudu.

A gasar Olympics ta shekarar 2004 a birnin Athens, Gatlin ya sha ihu daga ‘yan kallo saboda a da, an taba kama shi har sau biyu yana amfani da wani haramtaccen maganin dake kara masa karfi.

Duk da cewa Usain Bolt bai yi nasara ba, amma ‘yan kallo a filin wasan sun yi ta kiran sunansa, “Usain Bolt! Usain Bolt!.”

Asalin Labari:

BBC Hausa

611total visits,1visits today


Karanta:  An fidda sunayen masu buga wa Najeriya gasar cin kofin duniya

Leave a Reply

Your email address will not be published.

This site uses Akismet to reduce spam. Learn how your comment data is processed.