Mutane 312 sun mutu a ambaliyar Saliyo

Akalla mutane 312 ne suka rasa rayukansu, in da sama da dubu 2 suka rasa gidajensu sakamakon ibtila’in ambaliyar ruwa a babban birnin Freetown na Saliyo a yau Litinin.

Rahotanni na cewa, dakunan ajiye gawarwaki sun cika makil, kuma jama’a na ci gaba da neman ‘yan uwansu da makusantansu.

Wakilin Kamfanin Dillancin Labaran Faransa na AFP ya ce, ya shaida yadda aka yi ta kwashe gawarwakin mutane da kuma yadda gidaje suka nutse a ruwa musamman a wasu yankuna biyu na birnin, in da ruwa ya mamaye manyan hanyoyi da unguwanni.

Kungiyar bada agaji ta Red Cross ta bayyana cewa, akwai yiwuwar alkaluman mamatan su karu nan gaba.

Wasu hotuna da aka yada sun nuna yadda aka dora gawarwaki kan juna.

Ambaliyar ruwa ta yi sanadiyar mutuwar mutane 10 tare da raba dubbai da muhallansu a birnin Freetown a shekarar 2015.

Asalin Labari:

RFI Hausa

2857total visits,1visits today


Karanta:  Musulman Rohingya Dubu 60 Sun Nemi Mafaka a Bangladesh

Leave a Reply

Your email address will not be published.

This site uses Akismet to reduce spam. Learn how your comment data is processed.